मुस्लिम मुलीला वडिलांच्या संपत्तीत वाटा मिळणार

नांदेड जिल्हासत्र न्यायालयाचा महत्वपूर्ण निकाल

0

नांदेड, रयतसाक्षी : शहरातील कुंभार टेकडी भागातील एक मुलगी वडिलांच्या निधनानंतर संपत्तीत हिस्सा मिळविण्यासाठी जिल्हासत्र न्यायालयात पोहचली. मुस्लीम मुलीला तिच्या वडिलांच्या संपत्तीत २५ टक्के वाटा देण्याचे आदेश जिल्हासत्र न्यायालयाने दिले आहेत.

 

कुंभार टेकडी भागातील रझिया बेगम यांच्याकडे मुस्लिम ७७ टक्के वारस हक्क कायद्यानुसार हिस्सा मिळावा यासाठी भाऊ जमील अहमद यांच्या विरोधात न्यायालयात याचिका दाखल करण्यात आली होती. जमिल अहमद यांनी मृत्यूपूर्वी वडिलांनी लिहिलेल्या हिबानामा (पुरस्कार पत्र) च्या आधारे त्यांची बहीण रझिया हिला मालमत्तेतील हिस्सा देण्यास नकार दिला होता.

 

त्यामुळे रझिया बेगम यांनी ऍड शिवराज पाटील यांच्यामार्फत न्यायालयात दावा दाखल केला. या खटल्याच्या सुनावणीदरम्यान न्यायालयाच्या निदर्शनास आले की, हिबानामा उर्दूमध्ये लिहिला गेला आहे आणि त्याचे भाषांतर न्यायालयीन भाषेत सिद्ध् केले पाहिजे, परंतु तसे झाले नाही. हिबानामाप्रमाणे पुरस्कार देणे आणि पुरस्कार स्वीकारणे हे ही न्यायालयात सिद्ध् झाले नाही. सर्व कागदपत्रे तपासल्यानंतर न्यायालयाने मुस्लिम कायद्यानुसार मालमत्तेतील ५० टक्के हिस्सा मुलाला आणि २५ टक्के हिस्सा मुलीला देण्याचे आदेश दिले.

Leave A Reply

Your email address will not be published.

कॉपी करू नका.